Norske bedrifter har eit stort behov for informasjon om åpenhetsloven. Dette behovet møter vi i Forbrukertilsynet på fleire måtar: Vi har mellom anna publisert informasjon på nettsidene våre, delteke på Arendalsuka, stilt opp på tallause intervju, debattar, podkastar og arrangement, og vi har arrangert kurs i aktsemdvurderingar. No har vi òg arrangert konferanse om lova.
Konferansen fann stad i Ibsenhuset i Skien onsdag 7. desember. Målet var å samle dei viktigaste aktørane innan menneskerettar og anstendige arbeidsforhold. Konferansen blei opna av Barne- og familieminister Kjersti Toppe, og blant innleiarane og paneldeltakarane var både myndigheiter, næringsliv, organisasjonar, journalistar, juristar og andre aktørar som jobbar med openheitslova representert.
